Illersorteqarnissat pisariaqartippiuk?
“Nasjorti” tassaavoq inersimasoq, oqartussaasunut attaveqarninni ikiuussinnaasoq, kommunimillu ataatsimeeqateqarninni peqatigisinnaasat.
Meeraavit inuusuttuvilluunniit, ikiorserneqarnissallu pisariaqartippiuk?
Uunga sianerit: 290028
Akeqanngilaq.
“Najorti” sunaava?
“Najorti”-p Kalaallit Nunaanni meeqqat oqartussaasunik naapeqateqarneranni illersuisoqarnissaat qularnaartarpaa. Taamaalilluni meeraq imaluunniit inuusuttoq isumaginninnikkut suliaq aalajangiiffigineqassatillugu inersimasumik ingiallorneqartarpoq. ”Najortip” suliassaraa qularnaassallugu, meeqqap oqaatigiumasaasa tusaaneqarnissaat, meeqqallu isiginneriaasiata ilaatinneqarnissaa. Meeqqap akuutinneqarnissaa tassaannanngilaq inatsisitigut piumasaqaataasoq meeqqallu pisinnaatitaaffiinut ilaasoq, aammali tassaalluni meeqqamut inuusuttumullu malunnaatilimmik pitsaasumillu allanngueqataasussaq.
Kalaallit Nunaanni meeqqat inuusuttullu 700-t missaat angerlarsimaffimmik avataanut inissinneqarnikuupput. Meeqqat ilarpassuisa pisinnaatitaaffitik ilisimasanngilaat, iliuusissanik pilersaarusiaq imminnut tunngasoq ilisimasanngilaat, sooq angerlarsimaffimmik avataanut inissinneqarnertik paasisinnaasanngilaat, suliallu imminnut tunngasup suliarinerani akuutinneqanngisaannarlutik – aamma namminneq inuunerminnut imaannaanngitsumik kinguneqartussanik aalajangiisoqartillugu. ”Najorti” tassaavoq inersimasoq, meeqqap oqartussaasunik attaveqarnerani ikiuussinnaasoq, ataatsimiinnernullu peqataasinnaasoq.
“Najorti”-mik suliniut nuna tamakkerlugu atuuppoq.
