“Najorti”-mik pisariaqartitsivit?

Najortimik pisariaqartitsiguit Messengerikkut sianerfigitigut uungaluunniit SMS-erlutit: 290028

Meeraavit imaluunniit inuusuttuuit? Ikiorserneqarnissallu pisariaqartippiuk?

  • Angerlarsimaffissinni toqqissisimanngilatit?

  • Pisinnaatitaaffitit naluigit?

  • Kommunimut attaveqarniarninni inummik ikiuussinnaasumik amigaateqarpit?

  • Inummik tatigisinnaasannik ataatsimiinnermilu ilinnik ikiorsiisinnaasumik pisariaqartitsivit?

  • Upperineqanngilatit?


Apeqqutit uku “aap”-imik akisinnaagukkit qularnanngilaq “Najorti”-mik pisariaqartitsissasutit.

Qanoq iliorlutit Najorteqarsinnaavit?

Messengerikkut toqqaannartumik attavigisinnaavatsigut. Aamma toqqaannartumik allaafigisinnaavatsigut sianerfigalutaluunniit, imaluunniit inersimasoq attaveqaqqullugu qinnuigalugu. Emaileraarput: najorti@najorti.gl  telefonittalu normorivaa: +299 290028

“Najorti” illit pillutit sulivoq

Inersimasup meeqqanik illersuisartutsinnut ilaasup qularnaassavaa, ilinnut tunngatillugu illillu pillutit pisortani suliat eqqortumik suliarineqarnissaat. Aamma illit pillutit aalajangiisoqassatillugu, “Najortip” qularnaassavaa, illit kissaatigisatit aallaavigalugit iliuuseqartoqarnissaa. “Najorti” allanut attuumassuteqanngilaq, taamaallaalli illit sullittussaallutit. “Najorti” aalajangiisinnaanngilaq, isumagissalluguli illit saqqummiukkumasavit oqaluttuarinissaat. Aamma “Najortip” sorsuutigissavaa kissaatigisavit malinneqarlutillu illit pillutit aalajangiinernut aallaaviunissaat.

Najorti qanoq ikiuussinnaava?

Najorti illit angajoqqaannik inersimasunilluunniit allanik illit peqataatinnak oqaloqateqartanngilaq.

Najorti sutigut ikiuussinnaanngila?

Najorti aalajangiisinnaanngilaq imaluunniit suliaq ilinnut tunngaasoq pillugu aalajangiisinnaanani. Ulorianartorsioruit imaluunniit ilinnut ajoqusertaruit Najorti kommunimut imaluunniit politiinut pinngitsoorani nalunaarutiginnittussaavoq.

Najorti illit pillutit sulivoq

  • Najortip suliassarivaa inersimasunit pimoorunneqarnissat

  • Najorti tassaavoq inuk tatigisinnaasat

  • Najortip pisortanik naapeqateqassatillutit peqatigisinnaavaatit

  • Najortip ikiorsinnaavaatit assersuutigalugu kommunimut, politiinut, atuarfimmut imaluunniit meeqqat angerlarsimaffiannut attaveqarniaruit