Najorti.gl – sullissisunut

Najorti suua?

Najorti tassaavoq meeqqanik illersuisartutut ilinniarsimasunik suleqatigiit, meeqqanut inuusuttunullu isumaginninnermi suliami akuutinneqalersunut ikiuinissaminnut piareersimasut. Meeqqat sulianut imminnut tunngasunut peqataatinneqarnissaat inatsisitigut piumasaqaataaginnarani aamma meeqqap pisinnaatitaaffiisa ilagaat, aammali meeqqamut inuusuttumulluunniit malunnaatilimmik pitsaasumillu allanngueqataanissamut tigussaasumik iliuusissaalluni.

Meeqqanik illersuisartumit tapersersorneqarsinnaatitaaneq Meeqqat tapersersorneqarnissaannut inatsimmi allassimavoq. 2023-milu erseqqissaqqinneqarpoq inissiisoqarsinnaanera suliani eqqartorneqartillugu meeqqat illersorteqarnissamik pinngitsoorani neqeroorfigineqartassasut.

Najortimit qulakkeerneqassaaq:

  • qanoq ittunik sumillu tunngaveqarluni aalajangiisoqarnera meeqqamit imaluunniit inuusuttumit paasineqassasoq

  • meeqqap qanoq isumaqarnerata ilanngunneqarnissaa

  • meeqqap inuusuttulluunniit isummaminik saqqummiussinissaanut ikiorneqarnissaa.

Najorti på: 290028-mut sianerfigiuk

Najorti imatut atorsinnaavarsi

Sullissisutut suliami ingerlatanni meeraq imaluunniit inuusuttoq najorteqassatillugu Kalaallit Meerartaat sianerfigissavatit. Nuna tamakkerlugu najortitut sulisut 50-it sinneqarput, taakkulu 2015-imiilli suliani 500-nit amerlanerusuni illersuisutut tapersersuisimapput.

Oqarasuaatsikkut oqaloqatigiinnermi suliaq pineqartoq naatsumik eqqartussavarsi, sulisuttalu najukkami najortip aamma meeqqap inuusuttulluunniit akornanni attaveqalernissaq isumagissavaa. Najortip meeraq/ inuusuttoq piareersarfiusumik ataatsimeeqatigisarpaa, kommunimi ataatsimiinnerni peqataasarluni aammalu ataatsimiinnerup kingorna malittareqqiinissaq isumagisarlugu.